சூரியன் சுட்டெரிக்கிறான்..

ஒவ்வொரு நாளும்
தொலைந்து போய்க்கொண்டேயிருக்கிறது..
தேடிப்பிடிக்கத் தெரியவில்லை..
-----------------------------------
இரவைத் தின்றுவிட்டு
பகல் பல்லைக் காட்டுவதும்
பகலைத் தின்றுவிட்டு
இரவு இருண்டுபோவதும்
அரங்கேறிக்கொண்டுதானிருக்கிறது..
------------------------------------
நிலமது நெஞ்சு வலியால்
ஆங்காங்கே
துடித்துக்கொண்டேயிருக்கிறது..
அறுத்துப் போடுகிறோம்-ஆனால்
சிகிச்சையளிக்கத்தான் யாரும்
முன் வருவதில்லை..
----------------------------------
நிலத்தின் தாகத்தை மட்டும்
மழையது அவ்வப்போது
தணித்துக் கொண்டிருக்கிறது..

கலப்பிடக் காற்றுதான்
வாழ்நாள் குறைந்த
மக்களுக்கும் மாக்களுக்கும்
உயிரைப் பிச்சையாய்
போட்டுக்கொண்டிருக்கிறது..
-------------------------------------
சூரியன்
சுட்டெரிக்கிறான்..
அக்னி சிறகுகள்
அகல கால் வைக்கஆரம்பித்துவிட்டன..
காட்டை அழித்து காற்றில்
கார்பன்-டை-ஆக்ஸைடை கலந்த
நமக்கு கொடுக்கும் அன்பளிப்புதான் அது..
---------------------------------------
அப்பாவியாய் அனைத்தையும்
ஆகாயம் வேடிக்கைப் பார்க்கிறது..
தொடர்பு எல்லைக்கு
அப்பால் இருக்கும் ஆகாயத்தையும்
தொலைதொடர்புத் துறை
தொந்தரவு செய்தபடிதான்..
-----------------------------------
உயிர்களை
உற்பத்தி செய்பவனே அவை
உயிர் வாழத் தேவையான
அனைத்தையும் அழித்துக்கொண்டிருக்கிறான்..
முரண்பாடு முண்டியடிக்கிறது..
-----------------------------------
ஐம்புலனில்
ஏதோவொன்றுதான்
உயிர்களைத் தின்று
பசியாறப்போகிறது என்பதில்
ஐயம் சிறிதுமில்லை..
-----------------------------------

25 comments:

A.R.ராஜகோபாலன்December 4, 2011 at 11:34 AM
""""உயிர்களை
உற்பத்தி செய்பவனே அவை
உயிர் வாழத் தேவையான
அனைத்தையும் அழித்துக்கொண்டிருக்கிறான்..
முரண்பாடு முண்டியடிக்கிறது..''''

எதார்த்தமான வரிகள்
எழிலான
எழுத்தில்
அற்புதம்
அன்பரே
AdminDecember 4, 2011 at 11:59 AM
நன்றி,,/நண்டு@நொரண்டு/ராஜகோபாலன்/
UnknownDecember 4, 2011 at 5:39 PM
மனித அழிவிற்கு எவ்வுயிர்க்கும் அல்லாத சிந்திக்கும் விஞ்ஞான அறிவே..!சரிதானே...
நண்பரே சிந்திக்க வைக்கும் வரிகளை அடங்கிய கவிதை
SURYAJEEVADecember 4, 2011 at 6:05 PM
கவிதையில் அறிவியல் இந்தளவு விளையாடுவதை நான் காண நேர்ந்தது இரண்டாவது முறை என்று நினைக்கிறேன்
AdminDecember 4, 2011 at 6:27 PM
வருகைகும் வாழ்த்துக்கும் நன்றி..
/வீடு/சூர்யஜீவா/
அன்புடன் நான்December 4, 2011 at 6:58 PM
தாகம் நிறைந்த கவிதை... பாராட்டுக்கள்.
அனுஷ்யாDecember 4, 2011 at 8:06 PM
அழைப்பிற்கு நன்றி தோழரே... உங்கள் வலைப்பூவில் இணைவதில் மகிழ்ச்சி...
ஆமினாDecember 4, 2011 at 8:17 PM
அறிவியல் கவிதை அருமை

//
இரவைத் தின்றுவிட்டு
பகல் பல்லைக் காட்டுவதும்
பகலைத் தின்றுவிட்டு
இரவு இருண்டுபோவதும்
அரங்கேறிக்கொண்டுதானிருக்கிறது..

//

இந்த வரியை திரும்ப திரும்ப படிச்சேன்

வாழ்த்துக்கள் சகோ
AdminDecember 4, 2011 at 8:35 PM
வருகைக்கும் கருத்துக்கும் நன்றி..
/சி.கருணாகரசு/மயிலன்/
AdminDecember 4, 2011 at 8:42 PM
நன்றி ஆமினா..
Rathnavel NatarajanDecember 4, 2011 at 9:29 PM
அழகு கவிதை.
வாழ்த்துகள்.
AdminDecember 4, 2011 at 9:44 PM
நன்றி
/இரத்தினவேல் ஐயா/
Sharmmi JeganmoganDecember 5, 2011 at 3:16 AM
தமிழ் எதைப் பற்றி வேண்டுமானாலும் அலசி ஆராயும் என்று நிரூபித்து விட்டீர்கள். விஞ்ஞானக் கவிதை அருமை. வாழ்த்துக்கள்.
ஹேமாDecember 5, 2011 at 5:37 AM
இந்தக் கவிதைக்குள் நிறையவே ஆதங்கங்கள்.இயற்கை அழிவு பற்றியும் சூரியன் அதனால்தான் கோபம் கொள்கிறானோ என்பதாயும் அற்புதமாயிருக்கு !
MANO நாஞ்சில் மனோDecember 5, 2011 at 4:27 PM
கவிதையில் அறிவியல்...!!!

நான் முதன் முதலாக படிக்கும் அறிவியல் கவிதை, வாழ்த்துக்கள்...!!!
AdminDecember 5, 2011 at 5:30 PM
நன்றி..

/ஷர்மி/
AdminDecember 5, 2011 at 5:31 PM
வருகைக்கும் கருத்துக்கும் நன்றி..
/ஹேமா/நாஞ்சில் மனோ/
சி.பி.செந்தில்குமார்December 5, 2011 at 8:22 PM
//உயிர்களை
உற்பத்தி செய்பவனே அவை
உயிர் வாழத் தேவையான
அனைத்தையும் அழித்துக்கொண்டிருக்கிறான்..
முரண்பாடு முண்டியடிக்கிறது..//

சுயநலமும் அறிவியல் முன்னேற்றமும் காரணம்
AdminDecember 5, 2011 at 8:41 PM
நன்றி..
/சி.பி.செந்தில்குமார்/
பால கணேஷ்December 5, 2011 at 9:25 PM
இரவைத் தின்றுவிட்டு
பகல் பல்லைக் காட்டுவதும்
பகலைத் தின்றுவிட்டு
இரவு இருண்டுபோவதும்
அரங்கேறிக்கொண்டுதானிருக்கிறது..

-இந்த வரிகள் எனக்கு மிகவும் பிடித்தன. வித்தியாசமான, விஞ்ஞானம் கலந்த கவிதையைப் படித்ததில் மிகத் திருப்தி. ‌எப்படி உங்களைத் தவற விட்டேன்? இனி என் வருகையைத் தவறாமல் எதிர்பார்க்கலாம் நண்பா... அருமை!
AdminDecember 5, 2011 at 10:23 PM
உங்களது வருகைக்கு நன்றி..நிச்சயம் ஒவ்வொரு முறையும் தங்களை எதிர்பார்க்கிறேன்.
கோகுல்December 5, 2011 at 11:48 PM
இன்றுதான் முதலாக தளத்திற்கு வந்தேன் தோழர்.

தொடரவைத்துவிட்டீர்கள்.தொடர்கிறேன்.உங்கள் தொடர்தலில்
AdminDecember 6, 2011 at 3:11 AM
வாங்க கோகுல் உங்கள் வரவு மகிழ்ச்சி அளிக்கிறது..
Shakthiprabha (Prabha Sridhar) December 23, 2011 at 3:05 PM
வணக்கம் மதுமதி.
உங்களின் இக்கவிதை பூமியின் பாதிப்பை நன்கு உணர்த்துகிறது.
என்னுடைய வலைச்சரத்தில் இணைத்திருக்கிறேன். நன்றி :)

கீழிருக்கும் சுட்டி வலைச்சரத்தில் இணைத்த பதிவுக்கானது.

http://blogintamil.blogspot.com/2011/12/blog-post_23.html
மழைDecember 23, 2011 at 10:05 PM
கவிதை நன்று:)