சென்னை பதிவர் சந்திப்பு - ஆலோசனைக் கூட்டத்தில் நடந்தது என்ன?

          வணக்கம் தோழமைகளே.. சென்னை பதிவர் திருவிழாவில் கலந்து கொண்டு சிறப்பிக்க தயாராகிக் கொண்டிருப்பீர்கள் என்பதில் ஐயமில்லை.

ஆரம்பத்தில் கலந்து கொள்ளலாமா வேண்டாமா என யோசித்துக் கொண்டிருந்த பல பதிவர்களும் இந்த சந்திப்பில் கலந்து கொள்ள ஆர்வம் காட்டி வருகிறார்கள்..கிட்டத்தட்ட 100 க்கும் மேற்பட்ட பதிவர்கள் இதுவரை சந்திப்பிற்கு வருவதாக உறுதி படுத்தியிருக்கிறார்கள்.

         ஏனைய பதிவர்கள் விழாவிற்கு வருவதாக இருந்தால் கீழ்க்கண்ட அலைபேசி எண்களிலோ அல்லது மின்னஞ்சல் முகவரியிலோ தொடர்பு கொண்டு தங்களின் வருகையை உறுதி செய்யுமாறு கேட்டுக் கொள்கிறோம்..

       இந்தச் சந்திப்பை மிகவும் சிறப்பான நிகழ்வாக மாற்ற திட்டமிட்ட செயல்பட்டு வருகிறோம்.இதற்காக வாராவாரம் ஞாயிற்றுக் கிழமை மாலை வேளையில் சென்னையில் (சந்திப்பில் கலந்து கொள்ளும் ஆர்வம் இருக்கும் பதிவர்கள்)இருக்கும் பதிவர்கள் ஒன்று கூடி ஆலோசனை நடத்தி வருகிறோம்.

அதன்படி எப்படியெல்லாம் செயல்படுவது என்று திட்டமிட்டு செயல்பட்டு வருகிறோம்.

       விழாவை மிகவும் பிரம்மாண்டமாக நிகழ்த்த இருப்பதால் சென்னை பதிவர்கள் பொருளாதாரத்தில் பங்கெடுத்துக் கொள்கிறார்கள்.இது மிக்க மகிழ்ச்சியைத் தருகிறது.இது கட்டாயம் அல்ல.பொருளாதாரத்தில் பங்கெடுத்துக் கொள்ள விரும்பும் சென்னை பதிவர்கள் கீழ்க்கண்ட எண்களிலோ மின்னஞ்சலிலோ தொடர்பு கொள்ளுமாறு கேட்டுக் கொள்கிறோம்.

          வெளியூரில் இருந்து வருகை தரும் தோழர்கள் எங்களுக்கு முன்கூட்டியே சென்னை வரும் நேரத்தை குறிப்பிட்டு சொன்னால் தங்குவதற்கு இடம் தயார் செய்யப்படும்.        வெளியூர் தோழர்களுக்கு உபயோகப்படும் வகையில் சனி இரவு ஆறு மணியிலிருந்து ஞாயிறு காலை 9 மணிவரைக்கும் அறை ஏற்பாடு செய்யப்படும்.

          ஒரு நாள் முழுவதும் விழா நடக்க இருப்பதால் மதிய உணவு வழங்கவும் மற்ற வசதிகள் செய்யவும் ஏற்பாடாகி வருகிறது.எனவே சந்திப்பிற்கு வரும் தோழர்கள் முன்கூட்டியே தெரிவிக்கும்படி கேட்டுக்கொள்கிறோம்.

         இதுவரை நடைபெற்ற ஆலோசனைக்கூட்டத்தில் நான், மெட்ராஸ் பவன் சிவக்குமார், வீடு திரும்பல் மோகன்குமார், மின்னல் வரிகள் பாலகணேஷ், கவிதை வீதி சௌந்தர், பட்டிக்காட்டான் பட்டிணத்தில் ஜெயக்குமார், கரைசேரா அலை அரசன், தென்றல் சசிகலா, டி.என்.முரளிதரன், புலவர் இராமானுசம், கேபிள் சங்கர், ஆரூர் மூனா செந்தில், பிலாசபி பிரபாகரன், அஞ்சாசிங்கம் செல்வின், டீக்கடை சிராஜுதீன் போன்றோர் கலந்து கொண்டோம்.
உடல் நிலை சரியில்லாததால் சென்னைபித்தன் ஐயா கலந்து கொள்ளவில்லை.

     சென்ற வாரம் நடந்த 12.08.2012 ஆலோசனைக்கூட்டத்தில் உண்மைத்தமிழன், நான், பட்டிக்காட்டான் பட்டிணத்தில் ஜெயக்குமார், மெட்ராஸ் பவன் சிவக்குமார், கரைசேரா அலை அரசன், புலவர் இராமானுசம், டீக்கடை சிராஜுதீன், ரஹீம் கஸாலி, திடம் கொண்டு போராடு சீனு போன்றோர்கள் கூடி சில முக்கிய முடிவுகளை எடுத்தோம்.இது பற்றி வருகின்ற பதிவுகளில் தெரியப்படுத்துகிறோம்..

பால கணேஷ்,ஜெயக்குமார்,உண்மைத்தமிழன்,,புலவர்,அரசன்,வேடியப்பன்,மதுமதி

கஸாலி,சீனு,அரசன்

சிவக்குமார்.சிராஜ்,ஜெயக்குமார்

ஜெயக்குமார்,உண்மைத்தமிழன்,புலவர்,

முக்கிய குறிப்பு:

 இந்த மாபெரும் பதிவர் திருவிழாவை நடத்துவது சென்னை பதிவர் குழுமம் அல்ல என்பதை தெளிவு படுத்திக் கொள்ள விரும்புகிறோம். இதுவரை சென்னை பதிவர் குழுமம் என்று ஒன்றை ஏற்படுத்தவில்லை. இந்த விழாவை நடத்துவது "தமிழ் வலைப்பதிவர்கள் குழுமம்" என்பதை மகிழ்வோடு தெரிவித்துக் கொள்கிறோம்..

தொடர்பு கொள்ள வேண்டிய எண்கள்:
மதுமதி - 9894124021
ஜெயக்குமார் - 9094969686
பால கணேஷ் - 7305836166
மெட்ராஸ்பவன் - 9841611301

மின்னஞ்சல் முகவரி:

kavimadhumathi@gmail.com
pattikattaan@gmail.com