பதிவர் சந்திப்பு புகைப்படங்களை மின் இதழாக காணலாம் வாங்க..

          வணக்கம் தோழர்களே.. பதிவர் சந்திப்பைக் குறித்த செய்திகளை விரைவில் பகிர்ந்து விட்டு அடுத்த கட்டத்திற்கு செல்லாம் என்று நினைத்திருந்தேன்.ஆனால் பாருங்கள் உங்களுக்கு சுவையான ஒரு செய்தியை சொல்ல மீண்டும் அதே தலைப்போடு வந்துவிட்டேன்..

        ஆம்..பதிவர்களே கடந்த 26.08.2012 அன்று சென்னை கோடம்பாக்கத்தில் நடந்த மாபெரும் பதிவர் சந்திப்பானது தமிழ் வலையுலகத்தில் நடந்த மிகப்பெரிய சந்திப்பு என்பதை எவராலும் மறுக்கமுடியாது.அது சரி எவராலும் அது மறக்கப்படக்கூடாதல்லவா.அதற்காகத்தான் காலை முதல் நடந்த நிகழ்வுகளை எல்லாம் அழகாக படம்பித்து இருக்கிறோம்.இன்னும் இரண்டொரு நாளில் அது கானொளியாக வெளியிடப்படும்.நேரலை மூலம் நிகழ்வை காண முடியாதவர்கள் இந்த காணொளி மூலம் நிகழ்வை கண்டு ரசிக்கலாம்.அத்தோடு நின்று விடாமல் அன்றைய நாளில் எடுக்கப்பட்ட புகைப்படங்களை நண்பர்கள் அங்கொன்றும் இங்கொன்றுமாக வெளியிட்டு வருகிறார்கள்.விழாக்குழுவின் சார்பாக இன்னும் முழுமையாக வெளியிடப்படவில்லை.எனவே அவை விரைவில் வெளியிடப்படும்.இந்த புகைப்படங்களை அங்கொன்றும் இங்கொன்றும் என சிதறவிடாமல் அனைத்தையும் ஒன்று சேர்த்து மின் இதழாக வெளியிட இருக்கிறோம்.

       புகைப்படத்தில் இடம் பெற்றுள்ள பதிவரின் பெயரோடு அவரது வலை முகவரியோடும் இருக்கும் வண்ணம் தயார் செய்யப்படுகிறது.காலம் முழுவதும் அதை நாம் அழகாக புரட்டிப் பார்த்து புரட்டிப் பார்த்து மனம் மகிழலாம்.எனவே எம்மிடம் உள்ள படங்களை  தொகுத்து தயாரித்துக் கொண்டிருக்கிறோம்.நீங்களும் உங்களிடத்தில் இருந்த புகைப்படக் கருவியின் மூலம் பல படங்களை எடுத்திருப்பீர்கள்.அவற்றை அனுப்பி வைத்தால் அப்படங்களையும் மின் இதழில் இணைத்துக்கொள்வோம். புகைப்படங்களை kavimadhumathi@gmail.com என்ற முகவரிக்கு மின்னஞ்சல் செய்யுங்கள்.முடிந்தால் அதில் இடம் பெற்றுள்ள பதிவரின் பெயரையும் வலை முகவரியையும் குறிப்பிடுங்கள்.இந்த மின் இதழானது விரைவில் வெளியிடப்படும்..

                                                                                                                                  மகிழ்ச்சியுடன்,