புலவரின் சிலேடைக் குறும்புகள்

                                                            விருந்தினர் பக்கம் 
                                                           செந்தில் கே. நடேசன்

    விருந்தினர் பக்கம் பகுதிக்கு புலவரின் சிலேடைக் குறும்புகள் பதிவை எழுதியிருப்பவர் முகநூலில் தொடர்ந்து கருத்துக்களையும் கவிதைகளையும் பதிவு செய்து வரும் அன்புத்தோழர் செந்தில் கே.நடேசன் அவர்கள். ஒரு சாமான்யனின் டைரிக்குறிப்பு என்ற தளத்தில் கட்டுரைகளையும் காதலும் காதல் சார்ந்த இடமும் என்ற வலைப்பூவில் கவிதைகளையும் எழுதி வருகிறார்.

சிலேடைக் குறும்பு...1


    ஒரு புலவர் இன்னொரு புலவரின் வீட்டிற்கு விருந்துக்கு சென்றார்.. இருவருமே நல்ல நண்பர்கள் .. தமிழில் தேர்ந்தவர்கள்.. ஒருவருக்கொருவர் கிண்டல் செய்து கொள்வதில் சளைக்காதவர்கள்..விருந்தளித்த புலவர் தன மனைவியிடம் சொன்னார்.. 

"அய்யா சாப்பிடுமிடத்தில் கொஞ்சம் தண்ணீர் தெளி..."

         விருந்துக்கு வந்திருந்த புலவர் சொன்னார்... 

"ஆமாம் ஆமாம் .. அய்யா சொன்ன இடத்தில் கொஞ்சம் தண்ணீர் தெளியுங்கள்.."

(சாப்பிடுமிடம் //சொன்ன இடம் - - உட்கார்ந்து சாப்பிடும் இடத்தில் தண்ணீர் தெளி என்றும் ,

சாப்பிடுவதும், சொல்வதும் வாயால் தானே.. - அதனால் சாப்பிடுமிடம்/சொன்ன இடத்தில் தண்ணீர் தெளி என்றும் இரு வேறு அர்த்தங்கள் )

 -----------------------------------------------------------------------------------------------------------

சிலேடைக் குறும்புகள்...2

        ஒரு வயதான புலவர் மரணப்படுக்கையில் இருந்தார். அவருக்கு உணவாக பால் மட்டுமே கொடுக்க கூடிய நிலை. அந்த பாலை கூட ஒரு துணியில் நனைத்து வாயில் பிழிந்து விட்டுக்கொண்டிருந்தனர்..அந்த புலவரோ பாலை குடிக்காமல் வெளியே உமிழ்ந்தார்..

        அப்போது பால் கொடுத்தவர் கேட்டார்.. 

"பால் கசக்கிறதா புலவரே ..?"

        புலவர் சிலேடையில் பதில் சொன்னார்...

 "பாலும் கசக்கவில்லை... பால் நனைத்த துணியும் கசக்கவில்லை..."

(துணியும் கசக்கவில்லை- துவைக்காததால் அழுக்கடைந்த துணி அது )

---------------------------------------------------------------------------------------------------------

சிலேடைக் குறும்புகள்...3

      ஒரு புலவர் தன்னுடைய மகனுடன் மன்னரை கண்டு பாடி பரிசில் பெற சென்றார்.. மன்னரும் பாட்டில் மகிழ்ந்து பொற்காசுகளும் ஒரு பூ வேலை பாடுகள் நிறைந்த ஒரு பட்டு வஸ்திரமும் கொடுத்தார்..அந்த பட்டு வஸ்திரம் கிழிந்திருந்தது.. அதனை மன்னரோ- மற்றவர்களோ கவனிக்க வில்லை..புலவரின் மகன் அதை பார்த்தான் .மன்னரிடம் சொன்னான்... 

"மாமன்னா.. நீங்கள் கொடுத்த பட்டு வஸ்திரத்தில் பூவும், காயும், பிஞ்சும் இருக்கிறது.."

(பிஞ்சும் - கிழிந்தும் )

 --------------------------------------------------------------------------------------------------------

சிலேடைக் குறும்புகள்...4

         ஒரு புலவர் நண்பரை காண சென்றார்... பண்டிகைக்கான மறுநாள் அது... அப்போது வந்த புலவருக்கு சில வடைகளை சாப்பிட கொடுத்தார் அந்த நண்பர்.. அந்த வடைகளை எடுத்து பார்த்த புலவர் 

"வடை வேண்டாம் " என்றார்..
 
"ஒ... வடை சலித்துவிட்டதா.." 

       என கேட்டார்... புலவரும் பதில் சொன்னார்.

."ஆமாம்.. வடை சலித்துத்தான் போய் விட்டது ."

(நண்பர் கேட்டதன் அர்த்தம் - நிறைய சாப்பிட்டு விட்டதால் தகட்டிப்போய் விட்டதா..?"

         புலவரின் பதில் - கெட்டுப்போய் விட்டது (சலித்துவிட்டது ) ஏனென்றால் அது நேற்றிரவு பண்டிகைக்காக செய்த வடை )


         தோழர் செந்தில் கே. நடேசன் அவர்களை முகநூலில் தொடர இங்கே செல்லவும்..
--------------------------------------------------------------------------------------------------------------