அய்ம்புலனுக்கும் அறிவில்லை..

அடுத்தவனின்
அந்தரங்கத்தை
கண்டுகளிக்கவே
கண்கள்
கரிசனப்பட்டுக் கிடக்கிறது..
----------------------------
பாலியல் பற்றிய
பக்கங்களை
படித்துச் சுவைக்கும்போது
நாவது
நாட்டியமாடித்தான் திளைக்கிறது..
-----------------------------
பூவையும்
பூவையையும்
முகர்ந்து பார்க்கவே
மூக்கது முண்டியடிக்கிறது..
----------------------------
வாய் கூசும்
வார்த்தைகளை
கேட்பதற்காகத்தான்
காதுகளும்
கூர்தீட்டப்படுகின்றன..
------------------------------

வியர்வைத் துளிகளும்
விரசமாகும் அளவிற்கு
எந்நேரமும் உடலது
உஷ்ணப்பட்டுக் கிடக்கிறது..
----------------------------
தேகம்
தேன் கூடாய் மாற
ரோமங்கள்
தேன் பூச்சிகளாய் ஊற
தீண்டுதலில்
திண்டாடித் திளைக்கவே
தொடுதலை
தொண்டாக நினைக்கவே
உடலது
உளமாற நினைக்கிறது..
-----------------------------
அதற்காக மட்டுமே
அய்ம்புலன்களும்
அடிமையாகும்போது-அந்த
அய்ம்பூதங்கள் கூட
தற்கொலைதான்
செய்துகொள்ளும்..

----------------------------

10 comments:

கவிதை வீதி... // சௌந்தர் //December 14, 2011 at 10:50 AM
ஒண்றும் இல்லாத விஷயத்திற்கு தான் இந்த உலகே அடிமை கவிஞரே...

உள் நுழைந்து ஆய்ந்து அனுபவித்து ஒன்று இல்லை என்ற பிறகே அவற்றின் அடிமைத்தனத்தில் இருந்து மீள்கிறது...

அழகிய கவிதை
UnknownDecember 14, 2011 at 10:53 AM
மாப்ள அருமையான வரிகள்..தமிழ் விளையாடுது!
பால கணேஷ்December 14, 2011 at 11:02 AM
சத்திய வார்த்தைகள் கவிஞரே... நன்று.
K.s.s.RajhDecember 14, 2011 at 1:23 PM
சிறப்பான கவிதை வாழ்த்துக்கள் பாஸ்
M.RDecember 14, 2011 at 1:25 PM
அதற்காக மட்டுமே
அய்ம்புலன்களும்
அடிமையாகும்போது-அந்த
அய்ம்பூதங்கள் கூட
தற்கொலைதான்
செய்துகொள்ளும்..//

நல்ல ஆதங்கம் நண்பரே
AdminDecember 14, 2011 at 2:32 PM
வருகைக்கும் கருத்துக்கும் நன்றி..
/கவிதை வீதி சௌந்தர்/விக்கி/கணேஷ்/
K.S.S.Rajh/M.R/
முத்தரசு December 14, 2011 at 2:56 PM
உண்மை தான் - இந்த ஐம்புலனுக்கும் அறிவே இல்லை
நண்டு @நொரண்டு -ஈரோடுDecember 14, 2011 at 5:44 PM
அருமை...அருமை..
கோவிDecember 14, 2011 at 6:36 PM
இன்றைய வார இதழ்களின் கதைகள் கூட வாசகர்களின் ரசனைகளை கொச்சயாக்கி வருகிறது.. வருத்தமே..
முனைவர் இரா.குணசீலன்December 14, 2011 at 7:34 PM
சிந்திக்குமாறு சொன்னீர்கள் கவிஞரே..

உண்மைதான்..