திரும்பிக் கிடக்கிறது..

குழந்தை
தொழிலாளர்களை ஒழிக்கும்
அலுவலக அதிகாரிகளுக்கு

'டீ' கொடுத்துவிட்டு வருகிறான்

டீக்கடைச் சிறுவன்..
-----------------------------
விதவைத் திருமணத்தை
வலியுறுத்தி மேடையில் முழங்கும்
அந்தப் பேச்சாளன் முடித்த
மூன்று திருமணத்திலும்
ஒரு விதவை கூட
இடம் பெறவில்லை..
------------------------------
பத்து திருக்குறளுக்கு மேல்
மனப்பாடமாக சொல்லத்தெரிவதில்லை
திருக்குறள் பாடம் நடத்திக் கொண்டிருக்கும்
சில தமிழாசிரியர்களுக்கு..
-----------------------------------------
இல்லத்திலாவது
தமிழைக் கட்டாயம் பேசுவோம்..
இருபது வருடங்களாக
மேடையில் முழங்கும்
மூத்த தமிழரிஞரின் பேத்தி
அவரை 'க்ரேன்பா' என்றே அழைக்கிறதாம்..
------------------------
ரத்த புற்றுநோய்க்காக
தனியார் மருத்துவமனையில்
அனுமதிக்கப் பட்டிருக்கிறார்..
மருத்துவத்துறை அமைச்சராகப்போகும்
அரசியல்வாதி.
---------------------------------------
காவல் துறை
'உங்கள் நண்பன்'
அந்த 'உங்கள்'
தவறாமல் மாமூல் கொடுக்கும்
ஏரியா ரவுடிகளும் தாதாக்களும்.
-------------------------------------