சென்னை பதிவர் சந்திப்பில் பதிவர்களுக்கு 100000 ரூபாய் பரிசுத்தொகை

  தமிழ் பதிவர்களுக்கு 100000 பரிசு அறிவிப்பு

          வணக்கம் தோழர்களே.. சென்னையில் நடக்கவுள்ள பிரம்மாண்டமான உலக வலைப்பதிவர்கள் சந்திப்பில் கலந்து கொள்ளும் ஆர்வத்தில் நாம் எல்லோரும் இருக்கிறோம் என்பதில் ஐயமில்லை.

        இந்த மாபெரும் பதிவர் சந்திப்பிற்கு வருகைதரும் முனைப்போடு நீங்களும், நீங்கள் வருகை தந்தால் உங்களை ஆர்வத்தோடு வரவேற்கும் முனைப்பில் நாங்களும் இருக்கின்றோம்..

          

    சென்னையில் நடக்கும் பதிவர் சந்திப்பை உலகின் பல்வேறு நாடுகளிலிருந்து எழுதக் கூடிய தமிழ் பதிவர்களும் ஆர்மாய் எதிர்பார்த்துக் கொண்டிருக்கிறார்கள். இதில் தாங்கள் கலந்து கொள்ள முடியாத சூழ்நிலையில் இருக்கிறோம் என்ற மனவருத்தம் அவர்களுக்கு இருக்கிறது. பதிவர் சந்திப்பு சிறந்த முறையில் நடைபெற அவர்கள் வாழ்த்துகளை சொன்ன வண்ணம் இருக்கிறார்கள். அவர்களுக்கு நன்றியைத் தெரிவித்துக் கொள்கிறோம்..

       சென்னையில் நடக்கும் மாபெரும் பதிவர் சந்திப்பைப் பற்றி நாளொரு தகவலை சொல்வதாய் சொல்லியிருந்தோம் அல்லவா.

        இதோ இன்றைய தகவல்

சென்னை பதிவர் சந்திப்பில் 100000 ரூபாய் மாபெரும் பரிசுத்தொகை அறிவிக்கப்பட உள்ளது..

       அதாவது இந்த மாபெரும் தமிழ் வலைப்பதிவர் சந்திப்பு சென்னையில் பிரமாண்டமாய் நடைபெற நமக்கு மிகவும் ஒத்துழைப்பாக இருக்கும் நிறுவனமான மக்கள் சந்தை.காம் (தொழிற்களம்,தமிழ் பதிவர்கள் திரட்டி) இந்த மாபெரும் பரிசுத்தொகையை அறிவிக்க உள்ளது.

        பதிவர் வருவாயை ஈட்டும் வழிமுறைகளை குறித்து மேடையில் சந்திப்பன்று பேச இருக்கும் மக்கள் சந்தை .காம் நிறுவனர் திரு சீனிவாசன் அவர்கள் அன்றைய தினம் இந்த மாபெறும் பரிசுத்தொகை பற்றி அறிவிப்பார்.

       இந்த மாபெரும் பரிசான 100000 ரூபாயை பெற விரும்பும் தமிழ் வலைப்பதிவர்கள் அனறைய நாளில் தங்களது பெயரை பதிவு செய்து கொள்ளலாம்..

       காலத்தையும் நேரத்தையும் இழந்து வருவாய் இல்லாமல் பதிவுகள் எழுதிக் கொண்டிருக்கும் தமிழ் பதிவர்களாகிய நமக்கு இந்த மாபெரும் பரிசுத்தொகை ஒரு வரப்பிரசாதம் ஆகும்.

       இப்போதைக்கு இந்த தகவலை மட்டும் சொல்லிகொள்கிறேன். இந்த மாபெரும் பரிசுத்தொகையை பற்றிய முழு விளக்கங்களை அடுத்தடுத்த பதிவில் வெளியிடுகிறோம்..

     தமிழ் வலைப்பதிவர்களே! இந்த மாபெரும் பரிசுத்தொகையான 100000 ரூபாயை வெல்ல நீங்கள் தயாரா? 

                                                                                                                                     மகிழ்ச்சியுடன்,