கிறித்தவர்களின் கல்வித் தொண்டு-டி.என்.பி.எஸ்.சி

       இந்தப் பதிவை நேற்று கிறித்துமஸ் தினத்தன்று வெளியிடலாம் என இருந்தேன்.நேரமின்மையால் இயலாமற்போய்விட்டது. கிறித்தவர்கள் தமிழர்களுக்கு கல்வியைத் தந்தார்களா? இந்தக்கேள்வி நிறைய பேரை யோசிக்க வைக்கும்.ஆம் என்ற பதிலைத் தருவதா? இல்லையென்ற பதிலைத் தருவதா? என குழப்பம் வரும்.அதெப்படி தமிழர்களுக்கு கிறித்தவர்கள் கல்வியைத் தந்தார்கள் என்று சிலர் கேட்பார்கள்.

           15 மற்றும் 16 ம் நூற்றாண்டில் ஏற்பட்ட மறுமலர்ச்சிக்குப் பிறகு ஐரோப்பிய கண்டத்தைச் சார்ந்த போர்த்துகீசியர், டச்சுக்காரர்கள், ஆங்கிலேயர்கள் மற்றும் பிரெஞ்சுக்காரர்கள் இந்தியாவிற்கு வந்தார்கள். இந்தியாவில் அவர்கள் கிறித்தவ சமயத்தை பரப்பத் தொடங்கினார்கள்.மேலும் தமிழ்நாட்டின் பல பகுதிகளில் கிறித்தவ குருமார்கள் பல பள்ளிகளை நிறுவினார்கள்.

மதுரை அமெரிக்கன் கல்லூரி

                       16 ம் நூற்றாண்டில் போர்த்துகீசியர்கள் தான் தமிழ்நாட்டில் முதல் முதலாக கிறித்துவ மதத்தை பரப்பியவர்கள்.அவர்கள் 'ஏசு சங்கம்' என்ற அமைப்பை ஏற்படுத்தினர்.அதில் முக்கியமானவர் அருட்தந்தை பெர்ணான்ட்ஸ் ஆவார்.இவர் 1567 ல் புன்னைக்காயல் என்னுமிடத்தில் ஒரு பள்ளியையும் தேவாலயத்தையும் நிறுவினார். இந்த சங்கத்தின் சார்பாக சென்னை, நாகப்பட்டினம், திருச்சி, திண்டுக்கல என தமிழகத்தின் பல இடங்களிலும் பல பள்ளிகள், கல்லூரிகள் நிறுவப்பட்டன.

                               மதுரை சமய பரப்புக்குழு கல்வி வளர்ச்சி ஆற்றிய சேவை குறிப்பிடத்தக்கது.சிறந்த அறிவாற்றல் கொண்ட ராபர்ட்-டி-நொபிலி என்ற பாதிரியார் 1605 ம் ஆண்டு தமிழ் நாட்டிற்கு வந்தார்.அவர் மதுரையில் தனது சமய பரப்புப் பணியை ஆரம்பித்தார்.ஓர் இந்து துறவியாக தன்னை மாற்றிக்கொண்டு இந்துக் கலாச்சாரத்தைப் பின்பற்றி கிறித்தவ மதத்தைப் பரப்பினார்.மதுரை சமய பரப்புக் குழுவில் இவரோடு வீரமா முனிவரும் இந்தக் குழுவில் இருந்து தமிழில் பல இலக்கண நூல்களையும் அகராதிகளையும் எழுதியுள்ளார்.

               அதேபோல அமெரிக்க யாழ்ப்பாண சமய பரப்புக் குழு என்ற அமைப்பு 1834 ம் ஆண்டு நிறுவப்பட்டது.ஐந்த அமைப்பு மதுரை, திண்டுக்கல மற்றும் இராமநாதபுரம் ஆகிய இடங்களில் பள்ளிகளைத் திறந்தது.அமெரிக்காவைச் சார்ந்த ஸ்கட்டர் சகோதரர்களால் ஆற்காடு சமய பரப்புக்குழு 1853 ம் ஆண்டு ஏற்படுத்தப்பட்டது.அந்தக் குழு பல மருத்துவமனைகளையும் தர்ம ஸ்தாபனங்களையும் நிறுவி அடித்தட்டு மக்களிடையே நற்பெயர் பெற்றது.ஆற்காடு மாவட்டத்தில் ஊரீஸ் கல்லூரியையும் பல பள்ளிகளையும் நிறுவினர்.

சென்னை லயோலா கல்லூரி

               இக்னேஷியஸ் லயோலா என்ற சமய பரப்புக்குழு சென்னையில் லயோலோ கல்லூரியை நிறுவியது.தாம்பரத்தில் சென்னை கிறித்தவக் கல்லூரி, நாகர்கோவிலில்   ஸ்காட் கிறித்தவக் கல்லூரி, மதுரையில் அமெரிக்கன் கல்லூரி, திருச்சியில் புனித ஜோசப் கல்லூரி, பாளையங்கோட்டையில் புனித சேவியர் கல்லூரி மற்றும் சென்னையில் பெண்கள் கிறித்தவக் கல்லூரி போன்றவற்றை கல்வி வளர்ச்சிக்காக ஏற்படுத்தியது.

         தமிழ்நாட்டில் கிறித்துவ சங்கங்கள் மேலை நாட்டுக்கல்வி முறையை தமிழகத்தில் அறிமுகப்படுத்தியது.கிறித்துவ குருமார்களால் திறக்கப்பட்ட பள்ளிகளில் ஜாதி, இன, மத வேறுபாடுகளின்றி அனைத்து தரப்பினரும் சேர்க்கப்பட்டனர் என்பது குறிப்பிடத்தக்கது.இவ்வாறு தமிழ்நாட்டிலிருந்த கிறித்தவ குருமார்கள் தமிழகத்தின் கல்வி வளர்ச்சிக்கு முதன்மையான  பணியாற்றினர். தமிழகத்தில் கிறித்துவ மதம் ஓரளவு வளர்ச்சி பெற்றதற்கு இவர்களின் கல்விச் சேவையே காரணம் ஆகும்.

வாசித்துவிட்டீர்களா?

டெல்லியை ஆண்ட ஒரே "இஸ்லாமியப் பெண்மணி"