பத்து லட்சம் ஹிட்ஸ் கொடுத்த வாசகர்களுக்கும் சக பதிவர்களுக்கும் நன்றி!

வணக்கம் தோழர்களே.. மதுமதி.காம் தளத்தை தொடர்ந்து வாசித்துக்கொண்டிருக்கும் வாசகர்களுக்கும் சக பதிவர்களுக்கும் வணக்கம். இந்தத் தளம் ஆரம்பிக்கப்பட்டு அதில் எனது முதல் பதிவை எழுத ஆரம்பித்து இன்றோடு சரியாக ஒன்றரை வருடங்கள் ஆகின்றன.. முதல் பதிவை நான் எழுதி முடித்து ஒரு வாரம் வரைக்கும் யாரும் வருகை தரவில்லை. இப்படி ஒரு தளம் இருக்கிறது என்பது அப்போது யாருக்கும் தெரியாது.

பதிவை எழுதிவிட்டு அதற்கடுத்து என்ன செய்வது என்பது எனக்குத் தெரியாது.அதன் பின்னர் நானாக இணையத்தில் தேடி தோழர் சசிகுமாரின் வந்தேமாதரம் தளத்தையும் தோழர் அப்துல் பாஸித்தின் பிளாகர் நண்பன் தளத்தையும் கண்டறிந்து அதன்படி செயல்படத் தொடங்கினேன். அப்போதுதான் தெரியும் பதிவுகளை திரட்டிகளில் இணைக்க வேண்டும் என்பது.அவ்வாறாக நான் திரட்டிகளில் இணைத்தவுடன் பதிவுகளை வாசிக்க நிறைய வாசகர்களும் சக பதிவர்களும் வருகை தந்தார்கள்..அடுத்தடுத்த பதிவுகள் மூலம் எனக்கென ஒரு சிறிய வாசகர் வட்டமும் சக பதிவர் வட்டமும் உருவாக எனது பதிவுகள் பலரிடம் போய்ச் சேர்ந்தன.

பத்து ஹிட்ஸ் பெற பத்து நாட்கள் காத்திருந்த இந்தத் தளம் ஒன்றரை வருடத்தில் 1000000 (பத்து லட்சம்) ஹிட்ஸ் பெற்றிருக்கிறது என்பதை உங்களோடு பகிர்ந்து கொள்வதில் மனமகிழ்கிறேன்.இந்த வேளையில் வலைப்பதிவு ஆரம்பியுங்கள் என்று சொன்ன அருமை நண்பர் பவானி ஆனந்த் அவர்களுக்கும் ஆரம்பத்திலிருந்து நட்பு பாராட்டும் சக பதிவர்களுக்கும் தளத்தை தொடர்ந்து வாசித்துவரும் வாசகர்களுக்கும், 'கவிதையில் பெரியார்' எனத் தலைப்பிட்டு தனது வரவேற்பறையில் இத்தளத்தை அமரவைத்த ஆனந்தவிகடனுக்கும், ஆரம்ப காலங்களில் எனது பதிவுகளை பலரிடத்தில் எடுத்துச் சென்ற தமிழ்மணம், இன்ட்லி. தமிழ்10, வலையகம், தமிழ்வெளி, உடான்ஸ், மக்கள், ஹாரம் உள்ளிட்ட திரட்டிகளுக்கும் இந்நேரத்தில் எனது நன்றியைத் தெரிவித்துக் கொள்கிறேன்..

                                                                 நன்றி! நன்றி! நன்றி!

                                                                                                                          மகிழ்ச்சியுடன்,