புது வரவு :
Home » » வான் சிறப்பு

வான் சிறப்பு

அதிகாரம்-2


வான் சிறப்பு


 11)
நிற்காமல் பெய்து
உலகத்தின்
தாகத்தையே தணிப்பதால்
மழையும்
அமிழ்தம் போன்றதுதான்..     
குறள்-11
வான்நின்று உலகம் வழங்கி வருவதால்
தான்அமிழ்தம் என்றுஉணரற் பாற்று.
---------------------------------                    
12)
உணவிற்கு தானே 
உயிரைக் கொடுக்கும்;
உயிர்களுக்கு தன்னையே 
உணவாய்க் கொடுக்கும்;
மழை..
குறள்-12
துப்பார்க்குத் துப்பாய துப்பாக்கித் துப்பார்க்குத்
துப்பாய தூவும் மழை.
--------------------------------
 13)
உலகில் மழை 
பெய்யாமல் நின்றிருந்தால்
உப்புத் தண்ணீருக்கு நடுவில்
சிக்கியுள்ள உயிர்களை
பசியே கொன்றிருக்கும்..
 குறள்-13
விண்ணின்று பொய்ப்பின் விரிநீர் வியனுலகத்து
உள்நின்று உடற்றும் பசி.
--------------------------------------
 14)
மழை பெய்யும் பணியை
வானமது நிறுத்தினால்
ஏர் ஓட்டும் பணியை
உழவன் நிறுத்துவான்.
குறள்-14
ஏரின் உழாஅர் உழவர் புயலென்னும்
வாரி வளங்குன்றிக் கால்.
-------------------------
 15
பருவத்தே பெய்யாமல்
வாழ்க்கையைக் கெடுப்பதும் மழை..
மீண்டும் பெய்து கெட்டவர்களை
வளமாக்குவதும் மழை..
குறள்-15
கெடுப்பதூஉம் கெட்டார்க்குச் சார்வாய்மற் றாங்கே
எடுப்பதூஉம் எல்லாம் மழை.
------------------------------------------------
16)
மண்ணிலிருந்து 
மழையது வராமல் போனால்
மண்ணிலிருந்து
புல் கூட வராமல் போகும்..
குறள்-16
விசும்பின் துளிவீழின் அல்லால்மற் றாங்கே
பசும்புல் தலைகாண்பு அரிது.
---------------------------------------------
 17)
கடல் மீண்டும் ஆவியாகி
மழையைப் பொழியாவிடில்
கடலும் குட்டையாகும்..
குறள்-17
நெடுங்கடலும் தன்நீர்மை குன்றும் தடிந்தெழிலி
தான்நல்கா தாகி விடின்.
---------------------------------------
 18)
மழையது பெய்யாமல்
பூமி வறண்டு போனால்
மூத்தோருக்குச் செய்யும்
பூஜைகளும் வறண்டு போகும்..
குறள்-18
சிறப்பொடு பூசனை செல்லாது வானம்
வறக்குமேல் வானோர்க்கும் ஈண்டு.
----------------------------------- 
19)
வானம் பொய்த்தால்
இப் பூவுலகில்
தானம் தவம் இரண்டும் 
பொய்த்துப் போகும்.
குறள்-18
தானம் தவமிரண்டும் தங்கா வியனுலகம்
வானம் வழங்காது எனின்.
-------------------------------
20)
மழை பெய்யாது போனால்
அகிலமும் அழிந்து போகும்
மனித ஒழுக்கமும் 
ஒழிந்து போகும்.
குறள்-20
நீர்இன்று அமையாது உலகெனின் யார்யார்க்கும்
வானின்று அமையாது ஒழுக்கு.
----------------------------------------
                                                                         முகப்பு
                                                                அறத்துப்பால்
Download As PDF
Share this article :
புதிய பதிவுகளை ஈமெயிலில் பெற

2 comments:

  1. அன்பின் மதுமதி - அருமையான வசனக் கவிதை. - படித்தேன் - இரசித்தேன் - மகிழ்ந்தேன் - நல்வாழ்த்துகள் - நட்புடன் சீனா

    ReplyDelete
  2. "மழை பெய்யாது போனால்
    அகிலமும் அழிந்து போகும்
    மனித ஒழுக்கமும்
    ஒழிந்து போகும்"
    அழுத்தம் திருத்தமான அழகிய பொருள்

    ReplyDelete

கருத்துரைப் பெட்டியில் இடும் கருத்துகளுக்கு கருதிட்டவரே பொறுப்பாவர்..

Search This Blog

TNPSC - கணித பாடத்திட்டம்

Email Subscribers

புதிய பதிவுகளை ஈமெயிலில் பெற

Followers

சராசரி கணக்கு - அடிப்படை

Popular Posts

மீ.சி.ம- மீ.பொ.வ

Google+

Tips Tricks And Tutorials

எண்ணியல் - அடிப்படை

TNPSC - முக்கிய வினா-விடைகள்

எழுதிய மாத நாவல்கள் சில

 
Support :
Written by Madhumathi Published by www.madhumathi.com