நாட்கள் போதவில்லை

முகம் தெரியாத

மனிதர்கள் தான்

நம் முகத்தைப் பலருக்கும்

தெரிய வைக்கிறார்கள்..

----------------------------------

நாட்கள் போதவில்லை..

வாழ்வதற்கல்ல..

எப்படி வாழ்வது என்று

சிந்திப்பதற்கு..

-----------------------------------

எதிர்காலத்தில்

எப்படி வாழவேண்டுமென்று

இறந்தகாலமே

கற்றுக் கொடுக்கிறது..

-----------------------------------

-----------------------------------

இருப்பதை வைத்துக்கொண்டு

வாழ் என்கிறார்கள்..

இருக்கிறதா இல்லையா என்று

எப்போதுமே கேட்பதில்லை..

-----------------------------------

தெருவில் 

பணத்தைக் கண்டெடுத்தபோது 

ஏற்பட்ட சந்தோசம்

பொய்யானதென்று

அதே தெருவில் பணத்தை

தொலைத்தபோதுதான் தெரிந்தது.

---------------------------------

படுக்கையில் படுத்தவுடன்

இன்று என்னென்ன செய்தோம் என்று

யோசிப்பதை விட நாளை 

என்னென்ன செய்யப்போகிறோம் என்று

யோசித்தல் சிறப்பு..

-------------------------------------